Ærandi þögn Svandísar

Ómögulegt er að sjá hvaða aðferð Svandís Svavarsdóttir og Bjarni Benediktsson hyggjast nota vegna þeirrar alvarlegra stöðu sem uppi er vegna launakjara ljósmæðra. Eðlilegast er að ætla að Bjarni vilji ekkert, eða sem minnst gera, og reyna þannig að vinna störukeppni við ljósmæður. Bíða þar til þær gefa eftir.

En þögn Svandísar sker í eyru. Framganga hennar í málinu er þvert á allt sem ætla mátti frá hennar hendi. Vinstri græn virðast kappkosta að líma sig sem fastast við stenfu og viðhorf Sjálstæðisflokksins. Svandísi er að takast vel upp, hvað það varðar, að þessu sinni. Hún sagði í viðtali að það væri svo skemmtilegur andi innan ríkisstjórnarinnar. Það er víst mikið hlegið. Og kannski aldrei sem nú.

Við öll hin erum undrandi og ósátt. Það er ekki verjandi, ekki einu sinni fyrir VG og Sjálfstæðisflokkinn, að viðhalda því kerfi sem nú er, að ljósðmæður lækki í launum við meiri menntun.

Ríkisstjórn Bjarna og Katrínar á kannski möguleika til að leggja einhverjar starfsstéttir mð hroka, þögn og yfirgangi. En ríkisstjórnin á ekkert í ljósmæður. Þær njóta virðingar allra Íslendinga, þ.e. annarra en þeirra sem sitja í núverandi ríkisstjórn Íslands.

 

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: