Allir spæla Ármann bæjarstjóra

Ármann Kr. Ólafsson verður áfram bæjarstjóri í Kópavogi. Þrír af fjórum samherjum hans í „flokknum“ meinuðu honum að mynda þann meirihluta sem hann vildi helst af öllu. Ármann varð að gera sér Framsókn að góðu.

Ármann er helst þekktur fyrir að hafa hærri laun en borgarstjórinn í Róm. Og margir aðrir borgarstjórar milljóna heimsborga.

Ekki var minnst einu orði á laun bæjarstjórans í viðræðum flokksins og Framsóknar. Ekki einu orði.

Blekið var varla þornað á samningnum þegar fulltrúi Framsóknar tilkynnir opinberlega að laun Ármanns verði lækkuð. Nýi „samstarfsmaðurinn“ hafði ekki fyrir því að ræða launalækkunina við Ármann bæjarstjóra. Sá sér það bara í Mogganum í dag.

-sme




Booking.com