- Advertisement -

Alþingi: Ummælin eru ósmekkleg, óheiðarleg, ómerkileg og svívirðileg

Páll Magnússon vill að forysta þingsins láti orð Pírata um Ásmund Friðriksson til sín taka.

Páll Magnússon kom félaga sínum Ásmundi Friðrikssyni til aðstoðar á þingi í dag.

Páll sagði: „Það bar til í síðustu eða þar síðustu viku að einn háttvirtur þingmaður, Björn Leví Gunnarsson, þjófkenndi annan háttvirtan þingmann, Ásmund Friðriksson. Það er ekkert matskennt hjá mér að þessi þjófkenning hafi farið fram, vegna þess að fyrrgreindi þingmaðurinn tilkynnti það sérstaklega að hann hefði ekki þjófkennt hann áður en gerði það nú.“

Páll var síður en svo hættur:

„Ég ætla ekki að fjölyrða hér um það hvað þessi ummæli eru ósmekkleg, óheiðarleg, ómerkileg og svívirðileg. Þetta eru tilhæfulaus brigslyrði sem einn háttvirtur þingmaður lét falla um annan.“

Þú gætir haft áhuga á þessum

Og svo kom þetta: „Ég vil hins vegar beina því til forseta og forystu þingsins að fundinn verði einhver endir á þetta mál. Það koma hér slag í slag, einn á eftir öðrum, þingmenn Pírata með þessar ásakanir hér með nokkurra mánaða millibili. Nú á forseti og forysta þingsins að mínu viti þrjá kosti í þessu: Það er að vísa þessu frá sem tilhæfulausum aðdróttunum og víta þessi ummæli með einhverjum hætti. Forysta þingsins á líka þann kostinn að rannsaka málið og kanna hvort hægt sé að segja að hér hafi verið farið á svig við þær reglur sem þingið fer eftir. Eða, ef þingforustan telur rökstuddan grun um að hér hafi peningum verið stolið frá Alþingi getur forysta þingsins væntanlega eftir atvikum kært það til lögreglu.“

Og hann endaði svona: „Það er ekki hægt hins vegar að búa við það að þessi brigslyrði eins þingmanns eða heils þingflokks í garð eins þingmanns, gangi hér slag eftir slag með einhverra missera millibili.“


 




Booking.com

Tengdar fréttir sem þú gætir haft áhuga á að lesa: