Barma sér í bullandi góðæri
Vantar hundrað nýja starfsmenn í hverjum mánuði. Samt segjast forstjórara vera svartsýnir og segjast óttast hjöðnun.
Samtök atvinnulífsins spurðu stjórnendur fjögur hundruð stærstu fyrirtækja landsins um mat þeirra á stöðunni á næstkomandi tímum.
Miklu munar þar sem forstjórarnir svöruðu, hvað þeim þykir og þess sem verður.
Meðan forstjórarnir spá hjöðnun og vandræðum vantar starfsmenn í meira en fjórðahvert fyrirtæki. Vöxtur er minni en verið hefur, enda varla annað hægt, eftir einstaka uppsveiflu.
„Skortur á starfsfólki minnkar jafnt og þétt. Einungis 27% telja sig búa við skort samanborið við 42% fyrir ári síðan. Skortur á starfsfólki er minni í útflutningsgreinum og ferðaþjónustu en öðrum greinum, en mestur skortur á starfsfólki er í byggingariðnaði og verslun,“ segir SA.
Og svo segir SA: „Tæplega 30 þúsund starfsmenn starfa hjá fyrirtækjunum í könnuninni. Búast má við fjölgun starfsmanna hjá fjórðungi fyrirtækjanna á næstu sex mánuðum en fækkun hjá 16% þeirra. Stjórnendur áætla að starfsmönnum fjölgi mun hægar en undanfarin ár, eða tæplega 0,5% samanborið við 1,5-2,0% undanfarin ár. Búast við fjölgun starfa um tæplega 600 á næstu sex mánuðum séu þessar niðurstöður yfirfærðar á almenna vinnumarkaðinn í heild. Mest fjölgun er fyrirhuguð í ýmissi sérhæfðri þjónustu og byggingarstarfsemi.“
