- Advertisement -

Björn Leví, óvinur númer eitt

Mogginn hættir ekki. Enn og aftur er þar fundið að bráðnausðynlegum fyrirspurnum Björns Leví Gunnarssonar. Með dugnaði sínum og kjarki hefur Björn Leví séð til þess að skúmaskot leyndarinnar hafa opnast, sumum hver. Hann mun sjá til þess að við fáum að vita meira.

Eðlilega er flokkur Ásmundar Friðrikssonar fúlari en fúlt. Þetta system var svo fínt. Það var nánast hreinn lúxus að geta sótt sér þá skattfrjálsu peninga sem hver vildi án þess að nokkur fengi að vita. Björn Leví hefur spillt partíinu. Fyrir það skal hefnt.

Þar sem öll vita að meira er geymt í leyndinni fer vonandi að Björn Leví láti endalaus ónot frá Mogganum og einstaka þingmönnum sama flokks ekki trufla sig eitt einasta.

Björn Leví hefur lagt fram nýja fyrirspurn. Hann vill vita um kostnaðinn af svörum til hans. Fínasta fyrirspurn. Væntanlega verða allir fyrirspurnir Björns Leví sjálfbærar þegar upp verður staðið. Gráðugir neyðast nefnilega til að kippa að sér höndum og sækja ekki eins mikla vafasama peninga í ríkissjóð.

-sme


Booking.com

Auglýsing

Tengdar fréttir sem þú gætir haft áhuga á að lesa: