- Advertisement -

Ef umboðsmann skyldi kalla

Er Jón Ólafs­son á Bif­röst óskeik­ull eng­ill um það hvaða hegðun og ákv­arðanir telj­ist siðleg­ar á Íslandi?

Davíð Oddssyni er í nöp við umboðsmann Alþingis, ríkisstjórn Jóhönnu og Jón Ólafsson á Bifröst.

Tryggvi Gunnarsson, umboðsmaður Alþingis, á ekki upp á pallborðið ritstjóraskrifstodunni í Hádegismóum. Tryggvi, og embættið sem hann gegnir, fær veina sneið í Reykjavíkurbréfi Davíðs Oddssonar, í Mogga morgundagsins.

„Á Íslandi hef­ur of­metn­um embætt­um eins og Umboðsmanni, sem er kennd­ur við Alþingi, sem orðið er öf­ug­mæli, tek­ist að ýta und­ir þann „skiln­ing“ að ákvörðun sem stjórn­mála­maður tek­ur í sam­ræmi við sína sam­visku og í krafti lýðræðis­legs umboðs sé þegar af þeirri ástæðu tor­tryggi­leg, gott ef ekki spillt. Það eigi þó einkum við hafi hinir raun­veru­legu valda­menn, nafn­laus­ir umboðsleys­ingj­ar kerf­is­ins, ekki al­gjör­lega ráðið ferðinni. Stjórn­mála­maður­inn þarf að hafa fengið skrif­lega skýrslu­gerð um hvaðeina, þar sem búró­krat­inn set­ur fram alla hugs­an­lega fyr­ir­vara með krók­um til að passa sína per­sónu eða mik­il­væg­an hluta henn­ar. Taki ráðherr­ann svo ákvörðun sem rekst í ein­hverju á þessa fyr­ir­vara, sem eru oft­ast í formi get­gáta eða vanga­veltna, er hægt að ámæl­ast hann fyr­ir þær. Þá er eft­ir að mæla ákvörðun­ina við lög og reglu­gerðafjöld, anda þeirra, til­skip­an­ir ESB, valda­sókn ESA langt út fyr­ir öll mörk og þar fram eft­ir göt­un­um. Svo bæt­ast við óljóst þrugl siðanefnda og regl­ur þeirra sem lifa sér­stöku lífi utan við lög og rétt í land­inu.“

Fullkomið siðrof í stjórnsýslunni

Þú gætir haft áhuga á þessum
Ríkisstjórn Jóhönnu Sigurðardóttir fær sína sneið: „…þegar full­komið siðrof varð í ís­lenskri stjórn­sýslu.“

Svo þetta: „Í umræðu er látið eins al­mennn­ing­ur, sem á að vera enda­punkt­ur valds­ins, eða eini færi umboðsmaður hans, megi hvergi koma nærri svo sjá­an­legt sé.

Rík­is­stjórn Jó­hönnu Sig­urðardótt­ir er eina rík­is­stjórn­in í land­inu sem fram að þessu hef­ur starfað und­ir flaggi siðareglna. Það seg­ir allt sem segja þarf þegar full­komið siðrof varð í ís­lenskri stjórn­sýslu. Hver kom þeirri hug­mynd inn hjá sér, svo ekki sé minnst á hjá heilli rík­is­stjórn, að Jón Ólafs­son á Bif­röst sé óskeik­ull eng­ill um það hvaða hegðun og ákv­arðanir telj­ist siðleg­ar á Íslandi og spyrja má þá hvar í ver­öld­inni hann öðlaðist þá visku.“




Booking.com

Tengdar fréttir sem þú gætir haft áhuga á að lesa: