Efast um umhverfisráðherrann

Gunnar Bragi Sveinsson, þingflokksformaður Miðflokksins, skrifar um Hvalárvirkjun í Moggann. Hann kemur að stöðu Guðmundar Inga Guðbrandssonar umhverfisráðherra.

„Ég velti því fyrir mér,“ skrifar Gunnar Bragi, „…hvort umhverfisráðherra hafi haft einhver afskipti af skipulagsmálum Árneshrepps, formleg og óformleg fyrir og eftir að hann varð ráðherra. Umhverfisráðherra úrskurðar í kærum vegna ákvarðana Skipulagsstofnunar. Eins og þekkt er þurfti ráðherra að láta annan aðstoðarmann sinn hætta störfum. Aðstoðarmaðurinn fyrrverandi er hins vegar beintengdur átökum um Hvalárvirkjun. Það er því eðlilegt að spyrja hver samskipti ráðherra við aðstoðarmanninn hafi verið varðandi Hvalárvirkjun og skipulagsmál Árneshrepps eftir að hann hætti.“

Og hann spyr áfram:

„Átti ráðherra í samskiptum við Skipulagsstofnun, formleg eða óformleg, um málefni Árneshrepps, þ.m.t. virkjunina? Hefur ráðherrann e.t.v. haft einhver afskipti af skipulagsmálum hreppsins? Hver hafa samskipti ráðherrans við Landvernd verið varðandi málefni Hvalárvirkjunar og skipulagsmál Árneshrepps?“

Þú gætir haft áhuga á þessum

Og svo niðurstaða Gunnars Braga:

„Farsinn í Árneshreppi heldur væntanlega áfram með þeim töfum sem andstæðingar Hvalárvirkjunar og Skipulagsstofnun kjósa.“




Booking.com

Tengdar fréttir sem þú gætir haft áhuga á að lesa: