Ég vinn bara eftir fyrirmælum

- Björgvin Guðmundsson, viðskiptafræðingur og fyrrverandi borgarfulltrúi er óþreytandi að skrifa um stöðu eldri borgara.

Björgvin segir að Nicole Leigh Mosty eigi að starfa sjálfstætt sem nefndarformaður, en geri ekki.

Björgvin Guðmundsson segir Nicole Leigh Mosty, formann velferðarnefndar Alþingis, vera strengjabrúðu.

„Svo bar við fyrir nokkru, að formaður velferðarnefndar, Nicole Leigh Mosty, neitaði forstjóra Landspítalans um fund með nefndinni til þess að ræða stöðu spítalans og þar með fjárhagsstöðu,“ skrifar Björgvin.

„Þetta vakti mikla athygli í þinginu og þótti fáheyrt.Þegar formaður velferðarnefndar var inntur eftir ástæðum synjunarinnar svaraði hún: Ég vinn bara eftir fyrirmælum.Það er furðulegt svar.“

Þú gætir haft áhuga á þessum

Björgvin segir að formaður velferðarnefndar eigi ekki að taka við fyrirmælum frá neinum varðandi það hvenær hún heldur fund í nefndinni eða hverjum hún tekur á móti. „Hún ræður því sjálf en getur borið það undir nefndina ef hún vill. Hún á ekki að taka við neinum fyrirmælum frá ráðherrum, þar eð þingið á að starfa sjálfstætt og framkvæmdavaldið á ekki að gefa þingnefndum nein fyrirmæli.“

Björgvin skrifar áram: „En að vísu vitum við, að ráðherrarnir ráðskast með meirihluta alþingis, stjórna þingforsetanum og ýmsum öðrum í meirihlutanum. Það er brot á þrískiptingu valdsins. Formaður velferðarnefndar missti það út úr sér að hún ynni eftir fyrrmælum.En sennilega er það svo, að flestir þingmenn meirihlutans vinna eftir fyrrmælum leiðtoganna og láta segja sér fyrir verkum. Það verður æ sjaldgæfara að þingmenn meirihlutans starfi sjálfstætt, heldur eru þeir flestir strengjabrúður og jafnvel ráðherrarnir láta leiðtoga stjórnarinnar stjórna sér,“ skrifar Björgvin Guðmundsson, viskiptafræðingur og fyrrverandi borgarfulltrúi.

 




Booking.com

Tengdar fréttir sem þú gætir haft áhuga á að lesa: