Eitt núll fyrir Bjarna

Katrín samþykkir „sveltistefnu“ Bjarna Benediktssonar. Katrín og Bjarni leggja ekki fram margboðað fjárlagafrumvarp heldur styðjast við frumvarp frá ríkisstjórn Bjarna.

Stjórnmál Ekki er það merkilegt fjárlagafrumvarpið sem leiðtogarnir þrír hafa setið yfir svo dögum skiptir. Samstaða hefur greinilega ekki tekist um breytingar og í stað þess að leggja fram margboðað nýtt fjárlagafrumvarp verður endirinn víst sá að sækja garminn hans Benedikts Jóhannessonar, skrifar nokkur orð sem fyrirvara og leskó, það verður þá fyrsta fjárlagafrumvarp ríkisstjórnar Katrínar Jakobsdóttur. Ótrúlegt alveg hreint.

„…mér sýnist að verið sé að lögfesta þá stefnu sem ég hef kallað sveltistefnu sem þar var lögð því það er ekki verið að sækja fram í neinum málaflokkum. Það slær mann auðvitað bara með stöðuna, til að mynda stöðu ungs barnafólks á húsnæðismarkaði, að við erum að sjá barnabætur lækka og við erum að sjá vaxtabætur lækka,“ sagði Katrín Jakobsdóttir í viðtali á Vísi eftir að hún barði fjárlagafrumvarp Benedikts, sem svo verður hennar innan nokkurra daga, fyrst augum.

„En ég held líka þegar við skoðum heilbrigðismálin, sem voru auðvitað svona málið fyrir síðustu kosningar, þá er ekki verið að svara kröfum kjósenda fyrir þær kosningar,“ sagði ennfremur á sama stað.

Katrín er eina vonin í þessu ótrúlega kompaníi. Því er nánast ótrúlegt að hún skuli samþykkja kröfu, væntanlega Bjarna Benediktssonar, að leggja fram í nafni sinnar eigin ríkisstjórnar hrákasmíði ríkisstjórnar Bjarna Benediktssonar.

Þú gætir haft áhuga á þessum

Áður en leikurinn hefst er staða eitt núll fyrir Bjarna.

-sme




Booking.com

Tengdar fréttir sem þú gætir haft áhuga á að lesa: