Elliði sigurvegari

Leiðari Elliði Vignisson er sigurvegari. Hann hefur gert flest alla Vestmannaeyinga að flokksmönnum sínum. Hann sigrar alltaf. Hann og flokkurinn hafa ráðið öllu í Eyjum lengur en margur man.

Nú á Elliði í deilu. Deilu við fyrrverandi borgarstjóra R-listans, Þórólf Árnason forstjóra Samgöngustofu, sem að auki er bróðir Árna Páls. Elliði vill að sem flestir komist til Vestmannaeyja um komandi helgi. Því þá er jú Þjóðhátið haldin þar.

Þórólfur er með leiðindi. Bendir á að ferjan Akranes hafi ekki verið smíðuð fyrir siglingar milli Heimaeyjar og Landeyjarhafnar. Elliði er ósáttur. En Elliði er sigurvegari og hann á hauk í horni. Samgönguráðherrann sjálfan.

Að auki hefur Páll Magnússon lagst á árarnar með Elliða. Ekki er hægt að efast um að bæði Jón Gunnarsson ráðherra og Elliði er innmúraðir og innvígðir Valhallarmenn. Annað er með Pál. Ásmundur Friðriksson hefur sagt hann innmúraðan og innvígðan krata. Það er svo sem annað mál.

Þú gætir haft áhuga á þessum

Þórólfur vill ekki slá af öryggiskröfum. En hann er ekki vinur ráðherrans. Það er Elliði hins vegar og líka Palli Magg.

Ráðherra segir hug sinn í dag. Slær hann af öryggiskröfum? Niðurstaðan mun varla koma á óvart. Elliði er jú sigurvegari.

Sigurjón M. Egilsson.




Booking.com

Tengdar fréttir sem þú gætir haft áhuga á að lesa: