Félagslegar íbúðir ekki það brýnasta

- að mati Sjálfstæðisflokksins í borginni. Meirihlutafólkið er ekki sama sinnis. Kaupa á 700 hundruðir íbúðir á árinu, sem fara eiga í félagslega notkun.

Dagur og Eyþór. Línurnar eru skýrar milli þeirra. Dagur vill fjölga félagslegum íbúðum en Eyþór vill frekar gera átak fyrir almenna markaðinn.

„Þó mikilvægt sé að bregðast við neyðarástandi í húsnæðismálum með neyðarúrræðum er enn brýnna að ná jafnvægi á húsnæðismarkaði,“ segir í bókun borgarráðsfulltrúa Sjálfstæðisflokksins.

Í fyrra keypti borgin 75 íbúðir, „…fyrir fólk sem bíður eftir að fá úthlutað félagslegu húsnæði,“ segja hins vegar meirihlutafulltrúarnir.

Þeir segja: „Þjónustu við börn og barnafjölskyldur var forgangsraðað og miðað við að bráðabirgðahúsnæðið væri í sama hverfi og fyrirséð er að úthlutað verður. Fimmtíu af þessum íbúðum eru þegar komnar í fulla notkun og 25 munu bætast við á næstu mánuðum.“

Þú gætir haft áhuga á þessum

Staðan er sögð vera sú að 72 prósent þeirra einstaklinga sem bíða eftir félagslegu húsnæði séu einstæðingar og þörf á litlum íbúðum er því mikil. „Við því er verið að bregðast. Áætlun er um að Félagsbústaðir kaupi 124 íbúðaeiningar árið 2018 og alls tæplega 700 á kjörtímabilinu.“

Að auki var samþykkt að kaupa 25 litlar íbúðir, ætlaðar þessu fólki.

Einsog sagði í upphafi fréttarinnar eru Sjálfstæðismenn ekki sama sinnis og meirihlutinn, og skal engann undra. Sjálfstæðismenn hafa meiri áhyggjur af almenna húsnæðismarkaðnum en þeim félagslega. „Leiguverð hefur tvöfaldast á stuttum tíma enda hefur fjölgun almennra íbúða verið alltof lítil í Reykjavík. Há gjöld borgarinnar vega þungt auk þess sem áhersla hefur verið um of á dýrar íbúðir og stórar,“ segja þeir.




Booking.com

Tengdar fréttir sem þú gætir haft áhuga á að lesa: