Fundargerð öldungaráðsins

Segja Evrópu í kaldakoli og að öryggi Íslands sé stefnt í voða, kjósi fólk ekki Sjálfstæðisflokkinn.

Samfélag „Hluti stefnu Viðreisnar er tálsýn um lága vexti, sem ríki Evrópusambandsins sitja uppi með af því að þar er allt í kalda koli í efnahagsmálum og fjarri því til eftirbreytni,“ skrifar Davíð í leiðara dagsins í Morgunblaðinu.

Björn Bjarnason er á næstu síðu. „Við blasir að kosningarnar… …kunna að leiða til þess að Katrín Jakobsdóttir, formaður VG, verði forsætisráðherra í ríkisstjórn VG, Samfylkingar og Pírata,“ skrifar hann og er greinilega mikið niðri fyrir.

Davíð fær orðið aftur og enn er það evran og hrillingurinn sem hún skapar: „Þar fyrir utan greiða ekki allir á evrusvæðinu sömu vexti fyrir íbúðalán sín, en stuðningsmönnum ESB aðildar hentar yfirleitt ekki að benda á þá sem verst hafa farið út úr evrunni.“

Aldrei þessu vant er Birni ekki skemmt. Hann varar kjósendur við, telur endalokin geta verið framundan: „Ástæða er til að vara kjósendur við slíkri vinstristjórn og afleiðingunum á sviði utanríkis- og öryggismála. Öryggi Íslands yrði stefnt í voða og uppnám yrði meðal friðsamra nágranna okkar, einkum á Norðurlöndunum og við Eystrasalt.“

Þú gætir haft áhuga á þessum

Davíð kemst ekki úr evrunni: „Þar fyrir utan greiða ekki allir á evrusvæð inu sömu vexti fyrir íbúðalán sín, en stuðningsmönnum ESB aðildar hentar yfirleitt ekki að benda á þá sem verst hafa farið út úr evrunni. Viðreisn hefur gengið svo langt að birta reiknivél sem á að sýna hvað fólk mundi spara í vexti ef það léti blekkjast og gengi í Evrópusambandið með Viðreisn.“

-sme




Booking.com

Tengdar fréttir sem þú gætir haft áhuga á að lesa: