Gæta hagsmuna stóru útgerðanna

Flokksbræðrunum, Bjarna Benediktssyni og Páli Magnússyni, reynist ekki létt að sættast á að ekki næðust fram lækkun veiðigjalda. Þeir eru meðal fárra, ef ekki þeir einu, sem hafa kjark til að segja óhikað að bæta þurfi hag stærstu úrgerðanna.

Bjarni sagði í þingræðu: „Eftir stutta en snarpa umræðu um veiðigjöld á þessa mikilvægu atvinnugrein finnst mér alveg ljóst að þegar við tökum aftur upp þráðinn í haust sé mikil þörf á því að fyrir þingið verði lögð þau gögn sem hafa verið unnin í vetur, m.a. af veiðigjaldanefndinni, um það hvernig veiðigjöldin í dag eru orðin allt annað og miklu hærra, reyndar margfalt, hlutfall framlegðar útgerðarinnar.“

Og svo áréttaði Bjarni að það sé ekki síður vegna stórútgerða að lækka þurfi veiðigjöldin.

„Það sem maður tekur eftir í þingsal er að allir halda að það eigi aðeins við um lítil og meðalstór fyrirtæki. Það á við um öll útgerðarfyrirtæki í landinu.“

Þú gætir haft áhuga á þessum

Páll Magnússon kveður umræðuna ósáttur: „Mér hefur þótt dapurt síðustu daga að hlýða á þann málflutning sem hér hefur verið uppi og talað um heila atvinnugrein eins og hún væri vettvangur örfárra auðjöfra sem stæðu og söfnuðu auð með augun rauð. Þetta eru fyrirtæki af öllum stærðum og gerðum úti um allt land sem eru lifibrauð samfélaganna úti um landið.“




Booking.com

Tengdar fréttir sem þú gætir haft áhuga á að lesa: