Hin ríku hafa forgang í björgunarbátana

Gunnar Smári skrifar: Gengi krónunnar hefur fallið um 0,5% frá miðnætti, á tíu tímum. Tölvuspáin segir að evran verði komin yfir 143 krónur eftir viku, með sama áframhaldi.

En Már og strákarnir í Seðlabankanum hafa einhverja 700 milljarða króna í gjaldeyrisforða til að kaupa á móti ríka fólkinu sem flýr nú krónuna eins og brennandi hús. Eða skýjakljúf sem Skúli Mogesen hefur flogið nokkrum farþegaþotum inn í.

Bankinn mun tryggja að hin ríku komist út úr krónunni á ásættanlegu gengi, fái nægan gjaldeyri í vasann og til að geyma í aflöndum. Þið hafið svo ævina til að borga brúsann. Þegar spilaborg hinna ríku hrynur, þá hrynur hún á þig. Það er lögmál.

Þekkið þið einhvern sem var ríkur 2007 en sem er blankur í dag? Nei, einmitt, hin ríku bjargast alltaf, þau hafa forgang í björgunarbátana. En þekkið þið ekki mörg sem voru blönk 2007 og eru enn jafn blönk, jafnvel blankari? Einmitt, hin blönku borga brúsann, enginn sem fórnar björgunarhring á þau.

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: