Klámkarlinn á Ríkissjónvarpinu
Átök í kappræðum oddvitaEinar Þorsteinsson reyndi að koma Sönnu Magdalenu Mörtudóttur, oddvita sósíalista, í vanda í kappræðum Ríkissjónvarpsins kvöldið fyrir borgarstjórnarkosningarnar, en varð ekki kápan úr því klæðinu.
Posted by Sósíalistaflokkur Íslands on 26. maí 2018
Stóð af sér klámhögg Einars.
Klámhögg Sjálfstæðisflokksmannsins Einars Þorsteinssonar er sennilega það grófasta í kosningabaráttunni til þess. Ríkisútvarpið skuldar skýringar á framgangi Einars.
Einar ætlaði augljóslega að slá Sönnu Magdalenu Mörtudóttur kalda í sjónvarpumræðunum í gær. Einar vanmat Sönnu mikið, þar sem hún reyndist honum sterkari og klárari á allan hátt. Segja má að Einar hafi steinlegið undan eigin klámhöggi.
Hefði Einar virkilega viljað tala um trúverðugleika flokka hefði hann átt að byrja á eigin flokki. Oddviti Sjálfstæðisflokksins í Reykjavík og formaður flokksins eru báðir í meistaraflokki afglapa í viðskiptalífinu. Það hefði verið fínn byrjunarreitur.
Fyrir Einari virðist aðeins hafa vakað slá Sönnu út af laginu, þar sem frammistaða hennar vakti athygli allra. Líka Einars sem virðist hafa fyllst ótakmarkaðri heift í hennar garð.
Sanna Magdalena gerði meira en að standa af sér árás hægri mannsins. Hún óx og stækkaði í vörn sinni gegn ódrengilegum dónaskap útsendara Valhallar í Efstaleiti 1.
