Björgvin Guðmundsson skrifar: Sjálfstæðisflokkurinn er núna að færa útgerðinni fjóra milljarða með lækkun veiðigjalda, þegar ekki er unnt að hækka lífeyri aldraðra og öryrkja um eina krónu!
Einnig er verið að níðast á öryrkjum með krónu móti krónu skerðingu og niðurskurði á framlögum sem búið var að setja til öryrkja á fjárlög. Þeir, sem verja þessi „ódæðisverk“ eru ekki íhaldsmenn sjálfir, nei það eru fulltrúar „róttæka sósíalistaflokksins“ ráðherrar og þingmenn. Þeir eru komnir í vinnu hjá íhaldinu.
Vinnur Lilja Rafney Magnúsdóttir á fullu fyrir sjávarútvegsráðherrann að því að verja lækkun veiðigjalda um marga milljarða þó það gangi gegn stefnu flokks hennar. Og nú er KJ einnig komin í vinnu fyrir BB og farin að verja áníðslu gegn öryrkjum, áður búin að samþykkja svikin um að afnema krónu móti krónu skerðingu. Já, miklu skal fórnað fyrir stólana og hégómann!.