Landspítalinn, byggður út í bláinn?

Eða liggja fyrir raunhæfar kostnaðaráætlanir? Og ef svo er, hver gerði þær?

Svandís Svavarsdóttir og Ólafur Ísleifsson. Ólafur spyr noikkurra spurninga sem Svandísi ber að svara.

Hver ætli sé áætlaður kostnaður við fyrirhugaðar byggingarframkvæmdir við sjúkrahús við Hringbraut? Ætli það liggi fyrir og eins væri gott að vita til hvaða framkvæmda og hvaða framkvæmdatíma sú áætlun taki til. Ólafur Ísleifsson, þingflokksformaður Flokks fólksins, hefur lagt spurningar um þetta og fleira fyrir Svandísi Svavarsdóttur heilbrigðisráðherra.

Hvert er umfang framkvæmda og fermetrafjöldi einstakra bygginga sem kostnaðaráætlun tekur til og hver gerði þá kostnaðaráætlun og hvenær var hún gerð? Þannig spyr þingamaðurinn.

Næst er spurt: „Hefur Ríkisendurskoðun farið yfir umrædda kostnaðaráætlun og hafi svo verið, hverjar voru athugasemdir hennar?“

Þú gætir haft áhuga á þessum

„Telur ráðherra að fyrirliggjandi kostnaðaráætlun sé raunhæf í ljósi þróunar byggingarkostnaðar á undanförnum mánuðum og misserum? Hvernig rökstyður ráðherra álit sitt í þessu efni?“

Þannig hjómaði síðasta spurning Ólafs Ísleifssonar til Svandísar Svavarsdóttur, að sinni hið minnsta.




Booking.com

Tengdar fréttir sem þú gætir haft áhuga á að lesa: