- Advertisement -

Leigjandi í stjórn Félagsbústaða

„Næsta skref er að stofna félagið til að efla hagsmunagæslu leigjenda gagnvart þessu fyrirtæki.“

Gunnar Smári Egilsson.

Gunnar Smári skrifar: „Ég held að það sé sögulegt, að Laufey Ólafsdóttir, fulltrúi sósíalista, var kosin í dag í stjórn Félagsbústaða. Laufey er leigjandi hjá Félagsbústöðum og ég er næstum viss að hún er fyrsti leigjandinn hjá þessu fyrirtæki sem sest í stjórn þess.

Í vor lagði Sanna Magdalena Mörtudóttir, borgarfulltrúi sósíalista, til að borgin hlutaðist til um að leigjendur hjá Félagsbústöðum mynduðu félag og það fengi rétt á að skipa áheyrnarfulltrúa í stjórninni. Með kosningu Laufeyjar mun hún að hluta til gegna þessu hlutverki, að vera bein tengsl leigjenda inn í stjórn Félagsbústaða.

Næsta skref er að stofna félagið til að efla hagsmunagæslu leigjenda gagnvart þessu fyrirtæki. Eitt af markmiðum framboð sósíalista í vor var að hin verr settu í Reykjavík, þ.m.t. leigjendur innan félagslega kerfisins fengu aukin völd og kæmust að borðinu þar sem ákvarðanir eru teknar. Kosning Laufeyjar er áfangi á þeirri leið.“

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: