Meirihlutinn lifir í annarri Reykjavík

Sanna Magdalena og Daníel Örn finna að mörgu í nýjum málefnsamningi meirihlutans í Reykjavík.

„Sáttmálinn afhjúpar að meirihlutaflokkarnir lifa í annarri Reykjavík en við sósíalistar. Ef fólk ber saman okkar tillögur og meirihlutasáttmálann þá sést hversu mikill sannleikur lá í kosningabaráttu sósíalista, sem að hluta var háð undir yfirskriftinni Hin Reykjavík. Stór hluti borgarbúa býr við raunveruleika sem stjórnmálin í Ráðhúsinu ná ekki að snerta, vilja ekki sjá og ætla sér ekki að bregðast við,“ segir Daníel Örn Arnarson, varaborgarfullttrúi Sósíalistaflokksins, um hinn nýja meirihluta í Reykjavík.

„Hin verr stæðu í Reykjavík hafa tekið á sig gríðarlegar hækkanir húsaleigu vegna húsnæðiskreppunnar og þær hækkanir hafa étið upp ráðstöfunarfé þeirra fjölskyldna sem síst mátti við auknum byrðum. Þetta er miskunnarlaus stefna gagnvart fátæku fólki, að varpa öllum kostnaði af vandanum yfir á þau sem síst geta staðið undir því,“ segir Sanna Magdalena Mörtudóttir borgarfulltrúi.

„Þessi sáttmáli boðar engar aðgerðir sem máli skipta til að bæta lífskjör hinna láglaunafólks og annarra fátækra. Þeir brauðmolar sem þau fá eru bæði fáir og smáir,“ segir hún og svo:„Meirihlutasamningurinn dregur upp hvert verður hlutverk okkar sósíalista á kjörtímabilinu,“ segir hún. „Við þurfum að verða borgarfulltrúar þess fólks sem meirihlutasamningurinn horfir fram hjá og nær ekki að snerta; fólksins sem Ráðhúsið vill hvorki sjá né heyra.“

Sjá nánar hér.

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: