Offjárfestu og óska nú skattaafsláttar

Ferðaþjónusta Stjórnendur bílaleiga og eigendur þeirra ofreiknuðu eftirspurnina. Það varð til þess að þeir offjárfestu. Eiga of marga bíla. Til að redda rekstrinum óska þeir eftir eftirgjöf á sköttum.

„Ég veit af því að bílaleigurnar hafa langflestar átt bíla sem hafa staðið í allt sumar. Þessi fjöldi bílaleigubíla, sem er núna 26 þúsund, þýðir bara að menn hafa offjárfest,“ segir Steingrímur Birgisson, framkvæmdastjóra Bílaleigu Akruerar í samtali við Morgunblaðið. Hann telur hluta þessarar offjárfestingar vera vegna óraunhæfa væntinga á markaði.

Ráðið við mistökum í fjárfestingum er það að banka upp á hjá ríkinu og óska eftir að ríkið slái af sköttum til að mæta skaðanum af offjárfestingunni.

Bílaleigur eiga að borga full vörugjöld af bílum sínum 1. janúar 2018.

Þú gætir haft áhuga á þessum

Gunnar Valur Sveinsson, verkefnastjóri hjá SAF segir í Morgunblaðinu, að samtökin hafa óskað eftir að skattlagning á bílaleigur verði skoðuð í heild sinni. „Við erum búin að vera leita eftir því að fá stjórnvöld til að skoða skattlagningu bílaleigufyrirtækjanna í heild sinni. Út frá því sem er boðað núna 1. janúar. Þessi vörugjaldahækkun er heilmikið högg. Það þarf að finna leið til að milda þetta högg.“

-sme




Booking.com

Tengdar fréttir sem þú gætir haft áhuga á að lesa: