Ráðherrann fer með rökleysu

„Hvernig er það að styrkja stjórnsýslu að leggja niður amk tvö störf og færa á aðra starfsmenn og ætla svo kannski að ráða 1 – 2 starfsmenn í verkefnin ? Ég sat í stól þessa ráðherra og veit vel hvernig þessi verkefni eru. Ráðherrann fer með rökleysu og stórfurðulegt að hann þurfi ekki að útskýra málið af viti,“ skrifar fyrrverandi landbúnaðarráðherra, Gunnar Bragi Sveinsson um aðfarir Kristjáns Þórs Júlíussonar í landbúnaðarráðuneytinu.

„Það er verið að veikja og draga úr vægi landbúnaðar í ráðuneytinu með þessu , ekkert annað. Ætli bændur og aðrir sem málið snertir muni sitja stilltir og prúðir undir þessu?“

Spyr Gunnar Bragi að auki.

Eflaust eru fleiri en Gunnar Bragi sem eiga erfitt með skilja hvað Kristján Þór er að gera. Þetta sagði hann við Moggann:

„Ég hef lengi haft áhyggj­ur af stöðu land­búnaðarskrif­stof­unn­ar inni í ráðuneyt­inu og gengið með það í dá­lít­inn tíma með hvaða hætti ég gæti styrkt hana. Síðan dróst vinna við þetta ráðning­ar­ferli og á meðan þroskuðust þess­ar hug­mynd­ir mín­ar með hvaða hætti væri rétt að gera þetta. Það sem ég er að gera núna er að ég er að styrkja skrif­stof­una með þeim hætti að leggja af eitt skrif­stofu­starf og færa skrif­stofu­stjóra inn­an ráðuneyt­is­ins til í starfi.“