Ríkisstjórn sem kúgar og pínir fólk

Inga Sæland: „Ég segi enn og aft­ur: „Tök­um sam­an hönd­um hvar í flokki sem við stönd­um, út­rým­um fá­tækt í fal­lega land­inu okk­ar og ger­um það sam­an.“

„Ég get ekki með nokkru móti skilið hvernig mögu­legt er að kjósa yfir sig stjórn­völd sem kúga og pína fólkið sitt. Sem lofa bót og betr­un en standa ekki við neitt. Stjórn­völd sem segja að fá­tækt fólk geti ekki beðið eft­ir rétt­læti en samt bíður það enn og ör­birgðin ein­ung­is vex. Að hugsa sér að í okk­ar ríka landi þar sem talið er að smjörið drjúpi af hverju strái skuli vera tug­ir þúsunda samlanda okk­ar sem hrópa á hjálp,“ þannig skrifar Inga Sæland, þingmaður og formaður Flokks fólksins í grein sem birt er í Mogganum í dag.

Inga talar til lesenda: „Staðreynd­in er sú að án ykk­ar get ég ekk­ert. Það er al­farið í ykk­ar hönd­um að planta mér þar sem þið viljið að ég beri ávöxt. Í mín­um huga er það óskilj­an­legt hvernig mögu­legt er að velja til valds­ins aðila sem alfarið vinna að sér­hags­muna­gæslu í stað þess að huga að al­manna­hag. Hvernig má það vera að tæp­lega 10% barn­anna okk­ar líða hér mis­mik­inn skort og það í boði kjós­enda sem láta sér fátt um finn­ast!“

Og Inga endar greinina svona: „Ég segi enn og aft­ur: „Tök­um sam­an hönd­um hvar í flokki sem við stönd­um, út­rým­um fá­tækt í fal­lega land­inu okk­ar og ger­um það sam­an.“

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: