- Advertisement -

Samgönguráðherra „bullar“

Sigurður Ingi Jóhannsson samgönguráðherra náði sér á mikið flug á fundi í Hveragerði. Magnús Hlynur Hreiðarsson fréttamaður var á fundinum náði taka upp háflug ráðherrans.

Jóhannes Þór Skúlason, framkvæmdastjóri Samtaka ferðaþjónustunnar bregst við orðum ráðherrans:

Þau eru allsérstök ummæli samgönguráðherra um að það „verði að koma í veg fyrir“ dagsferðir með ferðamenn að Jökulsárlóni, eins og hér er sagt frá: (http://www.visir.is/…/radherra-telur-dagsferdir-ad-jokulsar…). Í landinu gilda almennar reglur um hvíldartíma bílstjóra sem ferðaþjónustufyrirtæki eiga að virða eins og önnur. Framboð á slíkum ferðum verður heldur ekki til í lofttæmi, það mótast í samhengi við eftirspurn og upplifunin liggur í dómi ferðamannsins sjálfs, ekki stundartilfinningu stjórnmálamanna. Og þann dóm er ósköp auðvelt að finna, til dæmis hér að neðan.
Ef eitthvað er „bull“ í þessu sambandi eru það kannski helst hugmyndir um að ríkið eigi á einhvern hátt að stýra handvirkt framboði á einstökum vörum í ferðaþjónustu eða þvinga ferðamenn til að kaupa sér gistingu ef þeir þvælast of marga kílómetra frá höfuðborginni. Það er ekki hlutverk ríkisins að ákvarða hversu langt ferðamaðurinn má fara frá Lækjartorgi án þess að sofa. Það er hins vegar hlutverk ríkisins að búa ferðaþjónustunni heilbrigt starfsumhverfi laust við íþyngjandi takmarkanir á rekstri fyrirtækjanna til að greinin byggist upp og dafni og haldi áfram að skila hreinum tekjum til þjóðarbúsins sem duga til að reka Landspítalann á hverju ári. Það er öllum í hag.
Fréttir eins og þessi gefa því miður þá mynd af stjórnmálunum að þau haldi að ferðaþjónustan sé lítil aukabúgrein sem hægt sé að stýra eftir stundarduttlungum hverju sinni, en ekki stærsta útflutningsgrein íslensks efnahagslífs sem allt samfélagið þarf á að halda að ríkið umgangist af uppbyggilegri skynsemi.
Ég held að ráðherrar viti reyndar mætavel hvort er rétt. En það hjálpar mikið upplifun okkar hinna að það sem þeir segja um greinina sé í samræmi við þá vitneskju.“

https://www.tripadvisor.com/AttractionProductReview-g189970-d11448202-South_Coast_and_Jokulsarlon_Glacier_Lagoon_Day_Tour_from_Reykjavik-Reykjavik_Capit.html

Þú gætir haft áhuga á þessum

Booking.com

Auglýsing

Tengdar fréttir sem þú gætir haft áhuga á að lesa: