Sigurjón Egilsson RE 1

Leiðari Fyrir margt löngu var ég samskipa kokki, sem hafði misst tengingu við raunveruleikann, eftir að hafa fengið þungt höfuðhögg þegar bómaði slitnaði.

Hann taldi að undir sjö tíundu af Íslandi væri olía sem hann og pabbi hans áttu. Hann taldi sig vera milljónamæring.

Hann átti til að tala á þann veg að ómögulegt var að gera nokkuð með það sem hann sagði. Við gættum þess allir að taka þátt í umræðunni með kokkinum.

Einhverju sinni fannst honum ég hafa staðið mig sérstaklega vel og sagði: „Sigurjón, ég vil að þú farir í stýrmannaskóla og þegar þú klárar skólann mun ég gefa þér splunku nýjan togara, Sigurjón Egilsson RE 1 skal hann heita, hvernig viltu hafa hann á litinn?“

Þú gætir haft áhuga á þessum

Þetta rifjast upp við lestur frétta um að Jón Gunnarsson, ráðherra í starfsstjórn, ætli að leggja hringveginn um firðina fyrir austan, breyta öllum plönum, bara sísona.

Engum duldist að kokkurinn forðum daga átti bágt. En hvað með Jón?

Sigurjón M. Egilsson.




Booking.com

Tengdar fréttir sem þú gætir haft áhuga á að lesa: