Sjálfstæðisflokkurinn og vondu smáflokkarnir

Umræðan Óvíst er hvernig sagan mun fjalla um hina ólánsömu ríkisstjórn Bjarna Benediktssonar. Eflaust fær sú slaka ríkisstjórn ekki merk ummæli.

Davíð Oddsson, fyrrum formaður Sjálfstæðisflokksins, skrifar í dag um samstarfsflokkana tvo. Honum þykir ekki mikið til þeirra koma.

„Flokkarnir tveir sem enn sitja í ríkisstjórn en mælast ekki með mann á þingi í skoðanakönnunum eiga sérkennilegan feril þegar kemur að gömlum grundvallaratvinnugreinum þjóðarinnar. Sumir stuðningsmenn Bjartrar framtíðar telja að sá flokkur hafi slegið sér upp og skriðið inn á þing fyrir síðustu kosningar með því að berjast gegn bændum. Það hafi átt upp á pallborðið í einhverjum hópum, en ekki er líklegt að þeir hafi verið stórir,“ skrifar Davíð og gefur svo í.

Þá er það Viðreisn: „Nú hefur hinn smáflokkurinn skipað fulltrúa í nefnd sem fjallar um verðlag búvara og þá tókst þannig til að alræmdur andstæðingur landbúnaðarins var skipaður í nefndina. Ef til vill telur þessi smáflokkur að með því að kasta þannig stríðshanskanum framan í íslenskan landbúnað megi hífa flokkinn upp og inn á þing, en það er ekki líklegt að slíkar aðferðir dugi til þess.“

Þú gætir haft áhuga á þessum

Davíð er landbúnaðurinn hugleikinn, en ekki síður sjávarútvegurinn:

„Það er þó ekki aðeins landbúnaðurinn sem smáflokkunum tveimur er í nöp við, sjávarútvegurinn hefur einnig orðið fyrir árásum. Flokkarnir settu til að mynda sem skilyrði fyrir stjórnarþátttöku að halda þessari undirstöðuatvinnugrein þjóðarinnar í óvissu með því að skipa nefnd um breytingar þóknanlegar andstæðingum þess farsæla fiskveiðistjórnarkerfis sem verið hefur við lýði um áratugaskeið.

Atvinnulífið í landinu þarf ekki að gráta það þó að þessir tveir furðuflokkar hverfi úr stjórnarráðinu og af vettvangi stjórnmálanna. Og vonandi verða niðurstöður kosninganna á þann veg að atvinnulífið þurfi ekki að óttast árásir á næsta kjörtímabili.“




Booking.com

Tengdar fréttir sem þú gætir haft áhuga á að lesa: