Stefnir í skýr úrslit, stjórnin sprunginn

Bjarni Benediktsson.
Stuttum ferli hans í forsætisráðuneyti virðist vera að ljúka.

Stjórnmál Kjósendur kalla eftir gjörbreyttri ríkisstjórn. Ríkisstjórn Bjarna Benediktssonar mun kolfalla í kosningunum á morgun. Allir stjórnarflokkarnir munu tapa umtalsverðu fylgi.

Með sama hætti mun stjórnarandstaðan vinna öruggan sigur. Skilja má stöðuna sem ákall um nýja ríkisstjórn undir forsæti Katrínar Jakobsdóttur. Ekki þarf að efast um vilja Samfylkingarinnar til að taka þátt í þannig ríkisstjórn. Flokkarnir tveir verða að fá aðra tvo flokka til liðs við sig. Úr þremur flokkum er að velja, Framsókn, Pírötum og Viðreisn.

Hin ómögulega ríkisstjórn Bjarna Benediktssonar virðist ætla að gera út af við Bjarta framtíð, sem er kannski það ósanngjarnasta sem er að gerast. Björt framtíð benti á hið augljósa, dauða ríkisstjórnarinnar. Ríkisstjórnar vantrausts og blekkinga.

Þú gætir haft áhuga á þessum

Nú stefnir í skýra niðurstöðu. Ríkisstjórn tapar þriðjungi þingmanna sinna og það kallar á nýja og öðru vísi ríkisstjórn. Það er mikill munur á Bjarna Benediktssyni og Katrínu Jakobsdóttur. Fari sem horfir eru framundan umskipti í íslenskum stjórnmálum.

-sme




Booking.com

Tengdar fréttir sem þú gætir haft áhuga á að lesa: