Svandís segist áhyggjulaus meðan Bjarni kallar eftir góðri samstöðu

Mín afstaða er sú að heilbrigðisstefna eigi að vera partur af samfélagssáttmálanum. Við eigum ekki að togast á um hana í þeim anda sem stundum hefur borið við.“

Þrátt fyrir átök milli stjórnarflokkanna um heilbrigðismálin. Bjarni segir um stefnu í heilbrigðsimálum: „Það skiptir máli að það takist góð samstaða um heildarstefnumörkunina.“

„Ég er líka þeirrar skoðunar að við eigum að hafa umhverfi hér heima sem laðar heim til Íslands alla þá lækna sem vilja gjarnan búa hér og byggja framtíð fyrir sínar fjölskyldur, að það sé aðlaðandi umhverfi á Íslandi í einu og öllu,“ sagði Bjarni Benediktsson, þegar hann átti í orðaskiptum við Þorstein Víglundsson á Alþing, um stöðuna og næstu framtíð í heilbrigðismálum.

Ekki er hægt að lesa annað úr óljósu svari Bjarna en hann vilji að sérfræðingar sem koma heim geti gengið inn í samninginn við Sjúkratryggingar.

Þú gætir haft áhuga á þessum

Þó þarf að athuga vel þetta sem Bjarni sagði: „Ég fagna því að ráðherrann vinnur að henni núna, það skiptir máli að það takist góð samstaða um heildarstefnumörkunina.“

Þetta er það orðalag sem flokkur Bjarna notar þegar hann vill draga mál á langinn. Þetta er til dæmis þekkt úr allri vinnu við endurskoðun stjórnarskrárinnar. Meiningin er sú að að sá sem skemmst vill ganga í breytingum muni ráða för.

Þrátt fyrir opinberan og augljósan ágreining milli stjórnarflokkanna tveggja segist Svandís ekki hafa áhyggjur. Svandís átti í orðaskiptum við Helgu Völu Helgadóttur. Svandís sagði:

„Ég hef ekki áhyggjur af því að heilbrigðisstefnan komist ekki í gegnum þingflokka stjórnarflokkanna eða í gegnum ríkisstjórn.“ Hún sagði einnig: „Mín afstaða er sú að heilbrigðisstefna eigi að vera partur af samfélagssáttmálanum. Við eigum ekki að togast á um hana í þeim anda sem stundum hefur borið við.“

Um stöðuna í deilunni milli ráðherra og sérfræðinga sagði Bjarni:

„Auðvitað þarf að ná samningum. Ég tel að það verði gert. Ég er sammála því að þar til nýir samningar hafa fengist er ákveðin óvissa sem er óþægileg. Ég heyri eins og við öll að þeir sem þar eiga í hlut myndu vilja eyða þeirri óvissu sem fyrst. Ég held að það eigi einfaldlega við um okkur öll, líka heilbrigðisráðherrann og -ráðuneytið. Það er langæskilegast að fá niðurstöðu sem fyrst.“

 




Booking.com

Tengdar fréttir sem þú gætir haft áhuga á að lesa: