- Advertisement -

Fór þvert á vilja Sigmundar Davíðs – ekki rétt segir Miðflokkurinn

Uppfærð frétt: Á leiðaraopnu Fréttablaðsins er helsta lesefni blaðsins í dag. Leiðarinn fjallar enn og aftur um „óábyrga“ framgöngu forystu verkafólks. Síðan er fín grein eftir Bolla Héðinsson, sem verður brúkuð hér á Miðjunni, Halldór Baldursson er góður að venju og síðan er þar að finna innanhússfréttir frá Miðflokki.

Miðflokksmenn segja skrif Fréttablaðsins sem vísað er til hér að neðan, vera röng.

„Nokkur kurr er í því sem kalla má harðasta kjarna Miðflokksins, vöskustu fótgönguliðum formannsins Sigmundar Davíðs Gunnlaugssonar sem fylgdu honum úr Framsóknarflokknum út í óvissuna. Örvum glatt flóttafólkið hafði fengið sig fullsatt af vélráðum sem löngum hafa þótt loða við Framsókn, kenndum við hnífa, jafnvel heilu settin af slíkum borðbúnaði. Þetta fólk telur sig nú finna kunnuglegan fnyk úr Framsóknarfjósinu og líst ekki á blikuna. Taugar þeirra þöndust nýlega við ráðningu Fjólu Hrundar Björnsdóttur og Írisar Kristínu Óttarsdóttur til trúnaðarstarfa fyrir þingflokkinn.“

„Fjóla Hrund hefur lengi starfað innan Framsóknarflokksins og var varaþingmaður 2013- 2016. Gunnar Bragi Sveinsson er sagður hafa verið einvaldur í ráðningarferlinu og hann hafi tekið þær fram yfir fólk úr herráði Sigmundar Davíðs sem einnig falaðist eftir stöðum starfsmanns þingflokksins og aðstoðarmanns þingflokksins. Gunnar Bragi þykir vera orðinn full frekur til fjörsins og þarna hafi hann styrkt stöðu sína enn frekar með því að loka á þá sem hann telur ógna sér. Bragðið af Framsóknarráðabruggi situr enn í mörgum sem óttast hið versta. Flokksráðsfundurinn á Hótel KEA um helgina gæti því orðið fjörugur.“

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: