Uppgjör: Er Bjarni rétti maðurinn?

„Flokkurinn“ farið úr Whiskey-styrkleika í fylgi og nálgast Port-styrkleika.

„Sá er þetta ritar hefur um langt skeið velt fyrir sér hví stjórnmálaflokkur, sem hefur haft Whiskey-styrkleika í fylgi, stefnir hraðfari í Port-styrkleika í fylgi. Slíkt er að sjálfsögðu með öllu óviðunandi,“ skrifar Vilhjálmur Bjarnason, fyrrverandi þingmaður Sjálfstæðisflokksins, og sendir sneið til síns gamla flokks.

Vilhjálmur varð að gjalda þess þegar Bjarni Benediktsson gerði breytingar á framboðslista flokksins í Kraganum. Við það missti Vilhjálmur þingsæti sitt við síðustu kosningar. Ekki er vitað hvaða áhrif það hafði á eftirfarandi skrif Vilhjálms:

„Sá er þetta ritar var um tíma kjörinn fulltrúi. Á þeim tíma spurði hann sig stundum hvort áherslur í málefnum, sem Flokkurinn hafði á sinni könnu, væru réttar! Og ekki síður hvort rétta fólkið væri í framvarðarsveit. Tekið skal fram, að sá er þetta ritar tók aldrei þátt í umræðu um stefnuræðu forsætisráðherra eða eldhúsdagsumræðum. Ef til vill ekki rétti maðurinn? Það kann að vera að Flokkurinn þurfi naflaskoðun því Port-styrkleikafylgi er ekki ásættanlegt. Og verða „fúll á móti“!“

Vilhjálmur sendir eftirfarandi sneið og ætlast eflaust til sín sem eiga:

Þú gætir haft áhuga á þessum

„Ég veit allt!

Ég get allt!

Geri allt miklu betur en fúll á móti!

Ég kann allt! Ég skil allt!

Fíla allt miklu betur en fúll á móti!

Smíða (þjóðar)skútu,

skerpi skauta,

bý til þrumu ost og grauta!

Haltu kjafti!!“

Tekið úr grein Vilhjálms sem birt er í Morgunablaðinu í dag.

Er rétta fólkið í framvarðarsveitinni? Þingflokksformaðurinn, formaðurinn og varaformaðurinn.



Booking.com

Tengdar fréttir sem þú gætir haft áhuga á að lesa: