Valgerður kallar Jón á fund
- æsingur og miklar upphrópanir, segir þingflokksformaður Sjálfstæðisflokksins
„Ég vil upplýsa það að ég hef, sem formaður umhverfis- og samgöngunefndar, óskað eftir því að fá samgönguráðherra á fund nefndarinnar og hann hefur orðið við þeirri ósk og við munum funda með honum á miðvikudaginn.“
Þetta upplýsti Valgerður Gunnarsdóttir, Sjálfstæðisflokki og formaður umhverfis- og samgöngunefndar Alþingis, í þingumræðu í dag. Áform Jóns Gunnarssonar samgönguráðherra, um tíu milljarða niðurskurð til vegaframkvæmda settu þingstörf í uppnám.
„Hér hefur verið töluverður æsingur og miklar upphrópanir í þessari umræðu,“ sagði Birgir Ármannsson, þingflokksformaður Sjálfstæðisflokksins.
Margir þingmenn tóku til máls undir dagskrárliðnum, fundarstjórn forseta. Þeim var brugðið vegna ákvörðunar ráðherrans.
Þú gætir haft áhuga á þessum
