DO: Viðreisn ber dauðann í sér

Dauðaspár Davíðs Oddssonar ná til Flokks fólksins auk Viðreisnar. Segir Miðflokinn burðugastann stjórnarandstöðuflokkanna.

„Viðreisn er flokksbrot sem ber dauðann í sér og lifir á andúð og öfund á móðurflokknum sem hún tengdist áður. Viðreisn réð ekki við þátttöku í ríkisstjórn og hrökk burt við illan leik. Næsta afrek hennar var að standa að vantrausti á dómsmálaráðherra vegna ákvörðunar sem hún hafði stutt og eignað sér!“

Þannig skrifar Davíð Oddsson í leiðara dagsins í blaði sínu, Mogganum, í dag. Davíð er heldur ekki bjartsýnn fyrir hönd Ingu Sæland og félaga hennar í Flokki fólksins. „Flokkur fólksins vill vel en kom veikari til þings en virtist stefna í um skeið. Því telja flestir ólíklegt að flokkurinn lifi lengi,“ skrifar Davíð.

Hann játar að hann skilki ekkert í Pírötum. Sem er vel skiljanlegt. Trúlega er mesti munur á hugarfari Pírata og Davíðs.

Davíð hrífst af Miðflokki Sigmundar Davíðs. „Miðflokkurinn er burðugastur í stjórnarandstöðu nú. Hann hefur þó ekki óformlega stöðu sem leiðandi afl þar. Hún birtist því sundruð gegn ríkisstjórn. Í Miðflokknum eru ýmsir með verulega stjórnmálareynslu. En veruleg orka fer í uppbyggingu nýs flokks,“ skrifar ritstjórinn.

Þú gætir haft áhuga á þessum

Davíð minnist hvergi á lífslíkur á Samfylkingarinnar.




Booking.com

Tengdar fréttir sem þú gætir haft áhuga á að lesa: