Vill drekka á ríkisins kostnað

„Við sem mælum okkur mót við kjósendur á öldurhúsunum fáum hvorki leigubílakostnað né drykki endurgreiddan. Það er óþolandi mismunun.“

Þannig skrifar Brynjar Níelssonm, einn af þingmönnum Sjálfstæðisflokksins, þegar hann kemur félögum sínum, þeim sem innheimta stórkostlegar fjárhæðir af ríkinu fyrir að aka um á eigin bíl, þó þeim sé gert að gera það ekki.

„Hlutlausu og óháðu fjölmiðlarnir hafa mikinn áhuga á því hvaða þingmenn hafi fengið endurgreitt vegna aksturkostnaðar og vísa til mikilvægi gagnsæis í þeim efnum. Einu sinni var krafan sú að þingmenn væru í sambandi við fólkið í landinu og mættu og hlustaði eftir því hvað helst brynni á því. Krafa þessara fjölmiðla um gagnsæi er ekki til að benda okkur á hvaða þingmenn sinni þessum mikilvægu störfum af alúð og eljusemi. Nei, tilgangurinn er að ýja að einhvers konar spillingu og sjálftöku á peningum okkar hinna. Ég veit að sumir þingmenn og fjölmiðlamenn, einkum þeir sem missa meðvitund þegar tölvan er ekki við hendina, halda að þvælan úr þeim sjálfum á Tvitter og Fésbókin endurspegli þjóðarsálina og þjóðarviljann,“ skrifar þingmaðurinn af fullri alvöru.

Og bætir við: „Hins vegar ættu fjölmiðlar að hafa áhyggjur af misskiptingu hvað varðar endurgreiðslu til þingmanna. Við sem mælum okkur mót við kjósendur á öldurhúsunum fáum hvorki leigubílakostnað né drykki endurgreiddan. Það er óþolandi mismunun.“

Þú gætir haft áhuga á þessum



Booking.com

Tengdar fréttir sem þú gætir haft áhuga á að lesa: