Katrín tók upp stefnu níðinganna

Þessi svívirða hefur viðgengist í 17 mánuði og í 6 mánuði á ábyrgð Katrínar. Bjarni Ben hafði í hótunum við öryrkja á alþingi í síðustu viku.

Björgvin Guðmundsson.

Þegar nefnd á vegum ríkisstjórnar Sigurðar Inga og Bjarna Ben lagði fram frumvarp að nýjum almannatryggingalögum haustið 2016 á grundvelli nefndar, sem hafði unnið að málinu í 10 ár og skilaði nefndarálit skiluðu Vinstri grænir séráliti (áttu fulltrúa í nefndinni). Í því áliti kom fram, að VG vildi afnema krónu móti krónu skerðingu öryrkja hjá TR. Nú hefur VG snúið við blaðinu í því máli. Bæði öldruðum og öryrkjum var lofað haustið 2016, að krónu móti krónu skerðingin yrði afnumin. Við það var staðið gagnvart öldruðum en svikið gagnvart öryrkjum. Þau svik hafa nú staðið í 17 mánuði! Katrín Jakobsdóttir gat leiðrétt þau svik þegar hún varð forsætisráðherra fyrir 6 mánuðum en hún kaus að stinga hausnum í sandinn og kyssa á vöndinn. Hún kaus að taka upp stefnu níðinganna, framsóknar og íhalds, sem nú hafa níðst á öryrkjum í þessu máli í 17 mánuði.

-Bjarni Ben hafði í hótunum við öryrkja á alþingi í síðustu viku. Og það örlaði á sama hótunartóni hjá Katrínu á morgunvaktinni fyrir skömmu, þegar hún ræddi málefni aldraðra og öryrkja. Hún gaf til kynna,að einhver ósköp hefðu verið gerð fyrir aldraða og öryrkja um áramótin 2016/ 2017 þegar þessir aðilar fengu hungurlús.
Tónninn sem minnti á Bjarna var eitthvað á þessa leið: Öryrkjar og aldrair fengu miklar hækkanir 2016/2017 en svo eru þeir orðnir óánægðir daginn eftir! Og hverjar voru nú hækkanirnar, sem öryrkjar og aldraðir fengu um áramótin 2016/2017? Jú. Þær voru þessar: Giftir öryrkjar og aldraðir hækkuðu um 9,7% eða um 18 þúsund kr. eftir skatt (engar aukasporslur). Forsætisráðherra hækkaði um 64% eða um 800 þúsund á mánuði fyrir skatt og fór í rúmar 2 millj á mánuði! Honum (henni) finnst mikið, að öryrkjar og aldraðir fái 18000 kr. hækkun á mánuði. Aukasporslur og hlunnindi forsætisráðherra eru svo mikil, að sá ráðherra þarf sjaldan að taka upp veskið. Það þarf að skera þetta bruðl og óhóf rösklega niður.

-Þegar þessar tölur hafa verið rifjaðar upp er undarlegt, að Katrín þurfi að láta athuga hvað öryrkjar og aldraðir fengu mikið 2016/2017, þeir verst settu. Ef ef til vill má hún lítið vera að því að kanna kjör aldraðra og öryrkja. Það fer mikill tími í að fljúga um loftin blá og hitta fyrirmenn erlendra ríkja!

Þú gætir haft áhuga á þessum

– Rifja má upp hvað krónu móti krónu skerðingin þýðir. Hún þýðir þetta: Ef öryrki fær einhverjar viðbótartekjur t.d. vaxtatekjur eða launatekjur upp á t.d. 50 þús kr. þá er sama upphæð, 50 þús umsvifalaust dregin af lífeyri öryrkjans hjá Tryggingastofnun! Þessi svívirða hefur viðgengist í 17 mánuði og í 6 mánuði á ábyrgð Katrínar. Ekki er að sjá, að meiningin sé að aflétta þessari svívirðu; þvert a móti á að halda þessum níðingsskap gagnvart öryrkjum áfram. Um það eru þeir fóstbræður Bjarni og Sigurður Ingi sammála og Katrín spilar með! Það er beitt þvingun og andlegu ofbeldi gegn öryrkjum, reynt að þvinga þá til hlíðni. Þetta eru vinnubrögð, sem minna á starfsaðferðir kommúnita í A-Evrópu.

Björgvin Guðmundsson.




Booking.com

Tengdar fréttir sem þú gætir haft áhuga á að lesa: