Það er bréfum þeim sem fjármála- og efnahagsráðherra hefur tilkynnt að hann vilji semja um uppgjör á hið snarasta, ellegar keyri hann ÍLsjóð í þrot á nýju ári.
„Miðað við höggið sem hin takmörkuðu viðskipti á föstudag leiddu yfir markaðinn má gera ráð fyrir að a.m.k. 100 milljarðar hafi þá þegar þurrkast upp af eignum þeirra sem halda á kröfum á ÍL-sjóð,“ segir í frétt í Mogganum.
Í fréttinni segir að þegar Kauphöllin var opnuð, fyrir viðskipti með skuldabréf í gærmorgun, hafi blasað við ófögur sjón, við þeim sem virtu fyrir sér verðþróun á þremur flokkum bréfa, útgefnum af ÍL-sjóði. Það er bréfum þeim sem fjármála- og efnahagsráðherra hefur tilkynnt að hann vilji semja um uppgjör á hið snarasta, ellegar keyri hann ÍLsjóð í þrot á nýju ári. Ávöxtunarkrafan á lengsta flokkinn, HFF 150644, hafði hækkað um nærri 200 punkta. Vb.is greindi frá því um miðjan dag í gær að verðfallið hefði raunar átt sér stað í viðskiptum á föstudag, daginn eftir að ráðherra kynnti fyrirætlan sína, en gögn Kauphallarinnar á föstudag höfðu hins vegar bent til þess að engin viðskipti hefðu átt sér stað. Að sögn vb.is voru það tæknilegir örðugleikar sem ollu því að viðskiptin voru ekki skráð.