- Advertisement -

2% maðurinn steinsefur á Alþingi!

Hann yppti bara öxlum og sagðist ekki vita hvað væri þarna í gangi.

Jóhann Þorvarðarson skrifar:

Þið munið hann Willum Þór Þórsson formann fjárlaganefndar Alþingis. Hann er valdamestur þingmanna þó hann sé bara með 2% kjósenda sér að baki. Hann getur stoppað mál eða veitt þeim brautargengi. Á síðasta ári kom hann af fjöllum þegar hann átti að vera í vinnunni. Sagðist steinhissa á að Íslandspóstur þyrfti neyðarlán upp á 1,5 milljarða. Jæja, lánið fékkst í hvelli. Ekkert röfl um peningaleysi! Auðvitað átti þetta ekki að koma 2% manninum á óvart. Það er hans starf að fylgjast með að hlutirnir séu í lagi.

Nú nýlega fékk hann fyrirspurn á Alþingi út af afskriftum upp á 17 milljarða. Hann yppti bara öxlum og sagðist ekki vita hvað væri þarna í gangi. Aftur var 2% maðurinn sofandi á verðinum. Og þannig er það enn þá. Hann segir að heilbrigðiskerfið eigi að vera innan fjárheimilda. Einmitt hugsaði ég, en ef fjármálaáætlunin er illa sett saman og óraunsæ? Ég ákvað að skrifa þess grein til að svara 2% manninum.

Þú gætir haft áhuga á þessum


Ég vissi að læknirinn var að segja tóma þvælu og mér var skóflað út.

Nýlega þurfti ég á heilsugæsluna vegna óbærilegs verks í síðunni. Ég mætti en var sagt að það sé ekki laus tími fyrr en eftir 2 vikur. Ok, ég tók tímann. Afgreiðslukonan sagði þegar ég var að fara, þetta er bara stuttur tími 10 mínútur. Um síðustu helgi ákvað ég að fara upp á Slysó því ég get illa sofið fyrir þessum verk. Eftir bið fékk ég að hitta lækni í 2 mínútur. Hann sagði mjög mikið að gera hjá þeim um leið og hann spurði ertu í lífshættu? Ég endurtók spurninguna og lýsti verknum. Þá spurði hann mig ertu hræddur. Ég var hissa á spurningunni og sagði verkinn óbærilegan. Já, lyftu bolnum upp og anda djúpt tvisvar. Svo potaði hann í mig með fingrunum. Heyrðu sagði læknirinn, farðu heim að hvíla þig og taktu Paratabs. Þetta er stoðkerfisvandi. Þú ert með vöðvaspasma.

Ég vissi að læknirinn var að segja tóma þvælu og mér var skóflað út. Svo hratt að ég gleymdi að borga. Snéri við og var rukkaður um tæpar 4.500 krónur! Á mánudeginum ákvað ég að fara upp á heilsugæslu milli 16-18, en þá er opinn tími. Þangað kom ég en var sagt að það væri fullt. Þetta endurtók sig þrjá daga í röð. Ég ákvað að harka af mér þar til ég má koma í 10 mínútur til míns heimilislæknis. Ég mæli með honum, alveg frábær. Nefni engin nöfn, nóg að gera á þeim bæ!

Já, svona er nú heilbrigðiskerfið okkar og 2% maðurinn segir að kerfið verði að halda sig innan fjárheimilda. Hann veit ekki að kerfið er sprungið og þurfi auknar fjárheimildir. Hann bara steinsefur. Nei, það er ekki inn í myndinni að auka fjárheimildir. Það er aftur á móti ákveðið að lækka á erfðafjárskatt þannig að ríkið verður af 2 milljörðum. Og það er búið að lækka veiðileyfagjöldin þannig að Þorsteinn Már og fjölskylda geti átt 50 milljarða en ekki 47 og þannig vex ríkidæmið áfram með nýtingu auðlindar þjóðarinnar! Svona gengur vitleysan áfram.

Síðastliðið haust átti ég spjall við Willum Þór 2% mann. Við þekkjumst úr boltanum og frá háskólaárunum. Ég spurði þennan valdamann og formann fjárlaganefndar af hverju ekki væri hægt að ganga þannig frá málum að aldraðir, öryrkjar og fatlaðir fengju tekjur sem dygðu milli mánaðamóta. Hann svaraði „Jói ég hélt að þú værir með dómgreind!“ Ég kvaddi vitandi að hann þarf alltaf að eiga síðasta orðið. Getur orðið stjórnlaus ef honum er andmælt af þunga. Fyrirlitningin í einum þingmanni í garð þessa berskjaldaða hóps er augljós!      


Booking.com

Tengdar fréttir sem þú gætir haft áhuga á að lesa: