- Advertisement -

Að misnota sjúklinga

Jóhann Þorvarðarson:

Allt má þetta rekja til þess að Vinstri græn sættu sig við vanfjármagnað heilbrigðiskerfi undanfarin fjögur ár. Þau voru aftur á móti tilbúin að ausa fé úr ríkissjóði til manna og fyrirtækja sem ekki voru í neinni fjárþörf.

Þetta drullumall er óboðlegt. 

Mörg klúður Svandísar á kjörtímabilinu eru grátleg á meðan önnur eru óskiljanleg. Öll eru þau þó grafalvarleg og hefur niðurbrot eftirlits með legháls- og brjóstakrabbameinum spurst út fyrir landsteinana. Viðvarandi biðlisti eftir liðskiptiaðgerðum er einnig víðfrægur og augnasteinabiðröðin var lengri en Langahlíð. Allt má þetta rekja til þess að Vinstri græn sættu sig við vanfjármagnað heilbrigðiskerfi undanfarin fjögur ár. Þau voru aftur á móti tilbúin að ausa fé úr ríkissjóði til manna og fyrirtækja sem ekki voru í neinni fjárþörf.

Nú þegar stutt er í kosningar og fylgið tætist af Vinstri grænum þá er allt í einu til nægt fé til að gera örvæntingarfullan samning við einkafyrirtæki um að framkvæma 200 liðskiptiaðgerðir. Þetta er siðlaust kosningarbragð af gamla skólanum. Ætli næsti bútasaumur Svandísar komi ekki innan skamms þegar hún segist hafa óvænt fundið fé í sálfræðiþjónustu sem búið er að lögfesta. Hér er einfaldlega verið að nota sjúkt fólk í atkvæðaveiðar. Sárþjáðir og bíðandi þar til það hentar pólitísku hagsmunum Svandísar að koma ríðandi á hvítum fáki í leikrænum björgunarleiðangri. Látið er í veðri vaka að Svandís sé bjargvættur biðlistasjúklinga eina mínútu í kosningar. Þetta drullumall er óboðlegt.    

Þú gætir haft áhuga á þessum

Tengdar fréttir sem þú gætir haft áhuga á að lesa: