- Advertisement -

Aðeins um klofspark Sigurðar Inga og aðra lygamerði

Jóhann Þorvarðarson skrifar:

Í sama þætti þá sagði formaður Sjálfstæðisflokksins, sem heldur út í kosningabaráttu sem byggir á lygum, að skattar hefðu verið lækkaðir mest á þá sem væru með um 350.000 krónur í laun á mánuði.

Í kappræðum stjórnmálaleiðtoga á Stöð 2 í gærkvöldi þá sagði formaður Framsóknarflokksins orðrétt „Við höfum það öll nokkuð gott“. Hann ætti að segja þetta beint framan í fatlaða, öryrkja, fátæka eldri borgara og snauða bændur. Öll búa við hungurlús, mánaðarlegir framfærsluendar ná ekki saman fólkinu. Sveltur seinni hluta mánaðarins, neitar sér um læknaþjónustu og einangrast. Veruleikafirring Sigurðar Inga er bragðvond. Svona vitlaust talar maðurinn sem vill gefa sægreifum sjávarauðlind þjóðarinnar með því að úthluta þeim nýtingarrétt yfir auðlindinni til 23 ára í senn.

Í sama þætti þá sagði formaður Sjálfstæðisflokksins, sem heldur út í kosningabaráttu sem byggir á lygum, að skattar hefðu verið lækkaðir mest á þá sem væru með um 350.000 krónur í laun á mánuði. Þetta er lygaburður sem Katrín Jak hefur einnig haldið ítrekað fram. Á myndinni sem fylgir þá sést gjörla að ráðherrarnir hafa mokað mest undir sjálfan sig. Ofan á það sem sést á myndinni þá hafa laun ráðherra hækkað um hundruð þúsunda króna á mánuði á kjörtímabilinu. Ísland á betra skilið en forherta ríkisstjórn.

Þú gætir haft áhuga á þessum

Tengdar fréttir sem þú gætir haft áhuga á að lesa: