Birgir Ármannsson, þingflokksformaður Sjálfstæðisflokksins sló á létta strengi á Alþingi í dag. Á tuttugu ára afmælisdegi Samfylkingarinnar:
„Eins og fleiri hér í dag óska ég þingmönnum Samfylkingarinnar og Samfylkingarfólki til hamingju með daginn. Það er mikilvægt í pólitísku lífi okkar að þau sjónarmið sem Samfylkingin stendur fyrir eigi sér sína málsvara og ágætt að hafa svona lítinn og huggulegan jafnaðarmannaflokk á þingi, bara þannig að hann sé ekki of stór. Ég hef átt ágætt samstarf við bæði núverandi og fyrrverandi þingmenn Samfylkingarinnar og árna þeim og flokki þeirra alls hins besta.“