Áslaug Arna hefur nauma forystu áGuðlaug Þór í baráttunni um fyrsta sæti í prófkjörinu. Hún er með 2.333 atkvæði í fyrsta sæti en Guðlaugur Þór er með 2.278 í það sæti. Verði úrslitin á þennan veg deyja draumar Guðlaugs Þórs um að verða næsti formaður Sjálfstæðisflokksins.
Diljá Mist Einarsdóttir er örugg með þriðja sæti. Brynjar Níelsson hefur fallið um tvö sæti frá því fyrr í kvöld og er nú í sjötta sæti. Hildur Sverrisdóttir er í fjórða sæti og Birgir Ármannsson í fimmta.
Sem fyrr er Sigríður Á. Andersen í áttunda sæti. Friðjón R. Friðjónsson, fyrrum aðstoðarmaður Bjarna Benediktssonar nær ekki inn á lista með átta efstu í prófkjörinu. Alla vega ekki enn.