- Advertisement -

Axlar Bergþóra Þorkelsdóttir ábyrgð?

Það eru ískaldar kveðjur til syrgjandi aðstandenda sem hljóta að eiga bótakröfu á ríkið!

Jóhann Þorvarðarson skrifar:

Bergþóra Þorkelsdóttir vegamálastjóri.

Nú verður að spyrja hvort forstjóri Vegagerðar ríkisins muni persónulega axla ábyrgð vegna hættulegs malbiks sem lagt var á Vesturlandsveg nýverið. Malbik sem kostað hefur tvö mannslíf og einn sjúkrabíl utan vega. Nú er það svo að Bergþóra var ráðin yfir Vegagerðina af Sigurði Inga Jóhannssyni formanni Framsóknarflokksins án þess að hún væri metin hæfust, langt þar frá. Hún er ekki tæknimenntuð og hefur ekki sjálf sérþekkingu á málefnum Vegagerðarinnar. Bergþóra er dýralæknir eins og Sigurður Ingi og var látin fara frá heildsölunni Íslensk ameríska vegna óviðunandi árangurs.

Þú gætir haft áhuga á þessum

Er ekki komið nóg af dýralæknum á röngum stöðum. Þjóð man vel eftir Árna M. Mathiesen dýralækni þegar hann var fjármálaráðherra og þjóðarskútan strandaði. Sú árátta Framsóknarflokksins að ganga fram hjá hæfasta fólkinu er farið að kosta of mikið þegar mannslíf  er fórnarkostnaðurinn. Í viðtali hjá RÚV um málið þá sagði Bergþóra það helst að auðvelt væri að vera vitur eftir á. Það eru ískaldar kveðjur til syrgjandi aðstandenda sem hljóta að eiga bótakröfu á ríkið!


Auglýsing

Tengdar fréttir sem þú gætir haft áhuga á að lesa: