- Advertisement -

Bjarni Ben apar eftir!

Sem sagt, allt öðrum að kenna og alveg sérstaklega heimskum og spilltum útlendingum.

Jóhann Þorvarðarson skrifar:

Árið 2006 varaði Danske Bank við íslensku efnahagslífi. Þáverandi forsætisráðherra Geir Haarde sendi bankanum upprétta löngutöng og sagði orðrétt „Gagnrýni margra erlendra banka er einfaldlega tilraun keppinauta til þess að brjóta íslenska samkeppni á bak aftur.“ Svo kom hrun og Geir með lafandi löngutöngina bað guð að blessa Ísland!

Formaður Viðreisnar, og þáverandi menntamálaráðherra, Þorgerður Katrín var engu betri og sagði um einn breskan prófessor sem varaði einnig við ástandinu að hann þurfi í endurmenntun! Eftir hrun þá fékk eiginmaður Þorgerðar Katrínar afskrifaðar hundruð milljónir.

Þegar Samherja-illvirkið í Namibíu komst upp í nóvember síðastliðnum þá hafði Bjarni Ben fjármálaráðherra eftirfarandi að segja orðrétt „Það er nú kannski líka það sem er sláandi og svo sem lengi vitað að spilling í þessum löndum er auðvitað rót vandans í þessu tiltekna máli, veikt og spillt stjórnkerfi í landinu. Það virðist vera einhvers konar rót alls þess sem við erum að sjá flett ofan af.“ Einmitt, Samherji lenti í mútugreiðslum.

Sem sagt, allt öðrum að kenna og alveg sérstaklega heimskum og spilltum útlendingum.