- Advertisement -

Bjarni Ben hugsar um sitt fólk!

Fjármálaráðherra landsins, hann Bjarni Ben, gerir betur við sveitunga sína en sauðsvarta almúgann.

Jóhann Þorvarðarson skrifar:

Linda lögfræðingur býr í Garðabæ. Hún er með eigin rekstur á sinni kennitölu. Launatekjurnar eru 927.087 krónur á mánuði og raunskatthlutfall Lindu 37,45% þegar búið er að taka tilliti til persónuafsláttar og tryggingargjalds. En Lindu finnst þetta of mikið. Og hún er líka voða sniðug eins og margir Garðbæingar telja sig vera. Hún tekur málin í sínar hendur og stofnar einkahlutafélagið Elítan ehf. Með Elítuna að vopni þá ræður hún sínum sköttum, hvað hún borgar sér í laun og hvað hún tekur til sín í formi arðs. Af arðinum borgar hún bara 22% skatt en ekki 36,94% sem er neðra skattþrep launafólks. 

Í gegnum Elítuna ákveður Linda að laun hennar séu aðeins 427.087 krónur á mánuði og afganginn tekur hún út sem arð. Með þessu hefur Lindu tekist að lækka raunskatthlutfall sitt niður í 33,1%. En Linda er ekki ánægð og vill ganga lengra. Hún gerist gróf og ákveður að laun hennar eigi að vera jöfn skattleysismörkum, 152.807 krónur, og restin er fenginn arður. Nú er raunskatthlutfall Lindu komið niður í 32,08% og hún loks orðin hýr á brá. Í báðum tilvikum hefur verið tekið tillit til skattlagningar hagnaðar hjá fyrirtækinu (20%) og arðs(22%). 

Þú gætir haft áhuga á þessum


Takk Bjarni Ben, þú ert snillingur að mismuna okkur Garðbæingum í vil hugsar Linda. Algjör krúttsprengja, love you! 

Sem sagt fjármálaráðherra landsins hann Bjarni Ben gerir betur við sveitunga sína en sauðsvarta almúgann. Lindu hefur tekist að lækka skattbyrði sína um 6,37 prósentustig eða um 16,7%. Það er ekki mikið sem skattyfirvöld geta gert í málinu! 

Linda notar innviðina jafn mikið og almenningur, ef ekki meira. En vegna þess að hún tilheyrir elítunni þá finnst henni siðferðilega rétt að hún fljóti áfram ofan á skrílnum. Hún telur sig jafnari en aðrir í dýraríkinu.

Takk Bjarni Ben, þú ert snillingur að mismuna okkur Garðbæingum í vil hugsar Linda. Algjör krúttsprengja, love you! 

Línuritið hér að neðan  sýnir hvernig skattbyrðin breytist hjá Lindu allt eftir því hvað hún er ósvífin í sinni skattasniðgöngu (lesist siðleysi). Já, þegar allar Lindur landsins eru teknar saman þá hefur ríkið orðið af skrilljónum sem sóttar eru í vasa skrílsins.


Booking.com

Auglýsing

Tengdar fréttir sem þú gætir haft áhuga á að lesa: