- Advertisement -

Bjarni Ben segir Ísland hér um bil best!

Hann átti örugglega líka við að Ísland er fremst landa sem listuð eru peningaþvottastöðvar.

Jóhann Þorvarðarson skrifar:

Bjarni fjármálaráðherra er skondinn fýr. Talar af áþekkri jákvæðni og einfeldni um íslenskt ástand og búast mætti við af Pollyönnu. Hennar veröld var alltaf fagur græn, en á sama tíma óraunsæ á köflum. Viðbrögð ráðherrans við uppljóstrun um háttsemi Samherja í Namibíu voru í Pollýönnustíl. Hann hélt svona Ísland er best í heimi tölu og notaði frasa eins og: stolt af landinu, í fremstu röð, framsækin, metnaðarfull, bjartsýn, engin spilling og o.s.frv.

Hann átti örugglega líka við að Ísland er fremst landa sem listuð eru peningaþvottastöðvar. Já, erum við ekki með besta Seðlabanka í heimi og lang besta Fjármálaeftirlitið. Hvernig öðruvísi komust við á þennan eftirsóknarverða þvottalista. Já, og hvernig öðruvísi varð hér stærsta bankahrun á höfðatölu sem mannkynið hefur séð og það í draumalandi Laissez Fair stefnunnar. Við erum í fremstu röð á öllum sviðum er það ekki Bjarni? Eða er ég að snúa öllu á hvolf.

Þú gætir haft áhuga á þessum

Við sækjum brotamenn til saka og við fellum dóma yfir þeim.

Bjarni sagði meira skemmtilegt, til dæmis að „…. við gerum skýra kröfu um að lög og reglur séu virt. Við sækjum brotamenn til saka og við fellum dóma yfir þeim“. Einmitt Bjarni! Í tilefni af æsispennandi viku þá langar mig að spyrja þig. Af hverju sjávarútvegsráðherrann þinn Kristján Þór Júlíusson (já þessi sem hitti alveg óvart þrjá mútuþæga erindreka frá Namibíu á skrifstofu Samherja) er ekki búinn að sækja mál gegn Samherja. Fyrirtækið er með 15% af öllum fiskkvóta landsins á sama tíma og lög heimila bara 12% eign? Ná ekki lögin yfir alla landsmenn nema kannski ekki nokkra ósnertanlega innmúraða og innvígða aðila. Já, þetta með að spilling sé á Íslandi er bara tómt bull Bjarni!


Booking.com

Tengdar fréttir sem þú gætir haft áhuga á að lesa: