- Advertisement -

Bjarni Ben utan þjónustusvæðis!

Það er löngu ljóst að Bjarni Ben og Svandís, já og Willum Þór, þvælast fyrir uppbyggingu Landsspítalans.

Jóhann Þorvarðarson skrifar:

Í miðri umræðu um ófremdarástand Bráðadeildar kemur fjármálaráðherra Sjálfstæðisflokksins Bjarni Ben loksins fram og var eins og út úr kú. Segir að hann hafi ekki séð neitt sem segi að vandinn verði lagaður með auknum fjárframlögum. Getur ekki einhver kveikt ljósin hjá ráðherranum, sett tölvuna í samband og flétt blöðunum með honum. Þar er aragrúa upplýsinga að finna frá heilbrigðisstarfsmönnum með puttann á púlsinum. Bæði á Bráðadeildinni og annars staðar á Landsspítalanum. Allir sem einn lýsa því yfir að auknir fjármunir leysa vandann. Það á auðvitað ekki að taka mark á þessu fólki Bjarni, það veit ekkert í sinn haus? Bjarni er aðal og veit allt best.

Það er löngu ljóst að Bjarni Ben og Svandís, já og Willum Þór, þvælast fyrir uppbyggingu Landsspítalans. Hvað ætli þurfi mörg ótímabær dauðsföll til að ráðamennirnir vakni í þessu máli?