- Advertisement -

Bogi og Örvar ósáttir

Þá verður bara kampavín drukkið á kvöldin eins og hjá Garðabæjarkrúnunni.

Jóhann Þorvarðarson skrifar:

Bogi og Örvar, rónaparið skarpa, eru ósáttir við gang mála. Verð á brjóstbirtu og dósa-baunum rýkur upp í verðbólgunni. Þeir vissu strax í fyrra að hætta var á ferðum yrði krónan ekki tekin af markaði tímabundið vegna veirufjandans. Lág laun duga ekki lengur fyrir þakinu, notuðu fötunum og slarkinu. Þeir safna flöskum eins og enginn sé morgunn dagurinn, en það er erfitt í faraldrinum. Fólk hefur ekki verið mikið á ferli. Núna þarf að banka upp á hjá slektinu í Þingholtunum og nærliggjandi bæjarpörtum. Móttökurnar eru ekki alltaf góðar. Fólki finnst vera óþefur af þeim. Sumir bjarga sér með því að hengja poka á næsta vatnshana án þess að sjáist til.  

Að vera róni er erfiðasta starf sem þeir hafa haft með höndum segja félagarnir. Miklu erfiðara en að vera á sjónum eða í öskunni. Núna eru þeir að spá í að flýja til Danmerkur þar sem verðbólgan er bara 1 prósent og slarkið léttara. Alveg eins og Sævar Cíesielskí neyddist til að gera. Útskúfaðir af eigin þjóð. Nú er við í vondum málum, trallla lalla la!    

Félagarnir segja að rangt stöðumat stjórnvalda sé alvarlegur dómgreindarbrestur. Bitni mest á bágbornasta fólkinu. Félagarnir vilja nýtt fólk í brúnna enda telja þeir að Ragnar Reykás hefði staðið sig betur en núverandi fjármálaráðherra. Félagar eru að spá í að stofna Ógæfuflokkinn og bjóða fram í haust. Helstu stefnumálin eru að banna verðbólgu og fátækt. Fái þeir kosningu þá ætla þeir sko að bæta sitt ráð. Þá verður bara kampavín drukkið á kvöldin eins og hjá Garðabæjarkrúnunni. Og svo kannski gintár í hádeginu enda úrvals bar á Alþingi. Og ekki skemmir að hafa einka-driver í næstu ríkisverslun. Við erum í góðum málum, trallla lalla la.

Hér er skemmtilegt myndband af félögunum, sem hægt er að afrita og líma. Byrjar eftir 56 sekúndur:


Tengdar fréttir sem þú gætir haft áhuga á að lesa: