Þórður Magg skrifaði:
„Var að hlusta á Silfrið. Góð umræða, loks yfirveguð og skynsöm umræða. Það sló mig samt að Bjarni Ben viti ekki hversu gríðarstór íslenskur sjávarútvegur er á evrópska vísu:
- 1. sæti er Ísland – lang stærst með milljón tonn til 1,3 millj tonn.
- 2. sæti er Spánn með 665 þús tonn
- 3. sætið er Frakkland með 475 þús tonn
- 4. sæti er Danmörk með 460 þús tonn
- 5. sæti er Holland með 296 þús tonn
- 6-8 sæti eru Þýskaland, Svíþjóð og Pólland 120-170 þús tonn
- Önnur lönd eru minni.
Við erum risar á þessu sviði. Svo stöndum við þessum þjóðum framar þegar kemur að tækni, umgengni og gæðum.
Hornsíli éta ekki hákarla. Okkar sjávarútvegur mun geta gleypt Evrópskan. Þetta er svið þar sem aðrar þjóðir hafa ekki tærnar þar sem við höfum hælana.
Eins og Guðmundur sagði; „Brim veiðir meira en Þýskaland“.
Ef ég væri Þýskaland þá væri ég hræddur við Guðmund.
PS: Mér var bent á að orðalag mitt væri ekki rétt. Ég skil Noreg undan, sem er stærri en við. Ég var að hugsa – við og aðrar þjóðir ESB. Hvar erum við í því samhengi. Svo þá er ég búinn að leiðrétta sjálfan mig.“
