- Advertisement -

Bruðlað á skrifstofu Drífu Snædals

Jóhann Þorvarðarson skrifar:

Drífa Snædal trónir á toppnum með 1.250.000 krónur í laun á mánuði fyrir utan hlunnindi, sem gætu auðveldlega hækkað laun hennar vel upp fyrir 1.5 milljónir króna á mánuði. Meðallaun í landinu eru aftur á móti umtalsvert lægri.

Það er ekki ónýtt að starfa á skrifstofu Alþýðusambands Íslands (ASÍ) þar sem Drífa Snædal ræður ríkjum, enn sem komið er. Laun og annar starfsmannakostnaður var vel yfir einni milljón króna á mánuði á hvert stöðugildi á árinu 2020. Til viðbótar þá var kostnaður við rekstur skrifstofunnar 149 þúsund krónur á mánuði á sömu stöðugildi. Inn í skrifstofukostnaði er ekki húsnæðiskostnaður, útgáfu- og kynningarkostnaður, þátttaka í alþjóðastarfi, félagslegur kostnaður, félagsleg fræðsla og kostnaður við fundi og nefndarstörf.

Rekstur skrifstofunnar er ekki sundurliðaður í ársreikningi, sem gerir reikningana óglögga að þessu leytinu til. Það vekur hjá mér undrun enda laun og kostnaður tengdur starfsmönnum lang stærsti útgjaldaliðurinn hjá ASÍ og því eðlilegt að gera honum betri skil. Slíkt myndi auka gagnsæi um leið og það væri í samræmi við bestu útfærslu alþjóðlegs reikningsskilastaðals þar um.

Rekstur skrifstofunnar hækkaði um 19,4 prósent frá árinu á undan og enga skýringu er að finna á hækkuninni í ársreikningnum. Þó er upplýst að hækkunin er að óverulegu leyti rakin til kóvít-19 faraldursins. Í liðnum gæti verið að finna ýmis fríðindi til starfsmanna eins og síma- og tölvukostnaður heima við, nettenging, fastur aksturskostnaður þó lítið sé ekið og næringu til starfsmanna svo fátt eitt sé talið til.

Drífa Snædal trónir á toppnum með 1.250.000 krónur í laun á mánuði fyrir utan hlunnindi, sem gætu auðveldlega hækkað laun hennar vel upp fyrir 1.5 milljónir króna á mánuði. Meðallaun í landinu eru aftur á móti umtalsvert lægri en þekkist á skrifstofu ASÍ og stærsti hluti félagsmanna aðildarfélaga ASÍ eru vel undir meðallaunum. Og margir langt þar undir. Það liggur því fyrir að Drífa og fólkið á skrifstofu ASÍ deilir engan vegin kjörum þeirra sem þau vinna fyrir. Krókurinn er vel makaður. Í samhenginu öllu þá verður að taka tjáningar Drífu um hópuppsögnina hjá Eflingu af varúð enda ekki útilokað að hún sé í raun aðeins að verja bruðlið á eigin skrifstofu. Verið er nefnilega að taka á óráðsíunni á skrifstofu Eflingar og veldur það augljósum ugg hjá Drífu.


Auglýsing

Tengdar fréttir sem þú gætir haft áhuga á að lesa: