„Þrátt fyrir skemmtilegar og hnyttnar ræður þingmanna er ekki alltaf auðvelt fyrir forseta þingsins að halda einbeitingu og vöku sinni. Því þurfa þeir stundum að leita á náðir lyfja. Sumir hella í sig kaffi áður en farið er í stólinn en aðrir nikótíni og svo eru þeir sem láta bara nægja Opal eða brjóstsykur.
Einhverjir kunna að hneykslast á því að ódámurinn sem þetta ritar skyldi troða upp í sig níkótínpúða í stólnum í stað Opals. Biðst ég nú velvirðingar á því, enda ekki til eftirbreytni, þótt mér finnist það smámál miðað við þessa daglegu druslugöngu í þingsalnum. Ég sé mjög eftir þessu og vona að þjóðin fyrirgefi mér. Vona að þetta komi mér ekki um koll í uppstillingu flokksins fyrir næstu kosningar,“ skrifar einn af varaforsetum Alþingis, Brynjar Níelsson.