- Advertisement -

Davíð og Trump gefast ekki upp

Ritstjóri Moggans hefur ekki lagt niður vopnin og lifir í voninni um að Trump verði áfram forseti Bandaríkjanna. Tækifærið er notað til að skjóta enn og aftur að Ríkisútvarpinu við Efstaleiti.

„Marg­ir undr­ast að Trump for­seti skuli ekki viðurkenna mögl­un­ar­laust úr­slit­in í for­seta­kosn­ing­un­um. Jafn­vel á Íslandi og jafn­vel utan hinn­ar veik­b­urða frétta­stofu rík­is­ins er þetta apað eft­ir. Eng­inn þess­ara frétta­manna veit þó til að úr­slit þess­ara kosn­inga liggi fyr­ir. Láta má vera að fá­vís­ir frétta­menn hér gefi sér að kjör­stjórn­ir úr ein­stök­um kjör­stöðum (sveit­ar­fé­lög­um eða kjör­dæm­um) gefi í lok taln­ing­ar fyr­ir­liggj­andi úr­slit og svo ber­ist mönn­um kjör­bréf í fram­hald­inu,“ skrifar Davíð Oddsson í leiðara dagsins.

Leiðari er lagður undir stöðunnar þar vestra  og týnd eru til dæmi um meint kosningasvik.

„Þar kom t.d. fram að í sum­um kjör­dæm­um hafi kosn­ingaþátt­taka verið 350% meiri en ein­stak­ling­arn­ir sem voru á kjör­skrá. Slík gögn liggja fyr­ir og þarf að rann­saka. Kosn­inga­vél­ar (frá Venesúela) hafi skilað at­kvæðum með stórdul­ar­full­um hætti og dæm­in um það fylgja máls­skjöl­um og eru fjöl­miðlum til­tæk. Þær hafi t.d. fært inn 150.000 at­kvæði á Joe Biden í sam­fellu. (Lög­fræðing­arn­ir sögðu að lík­indi þess að þetta hefði getað gerst væru hin sömu og ef hent væri upp pen­ingi og sama hlið hans kæmi upp 150 þúsund sinn­um í röð án þess að hin hliðin sæ­ist.)“

Kosningavélar frá Venesúela.

Þessi tilvitnun er undur sæt. Kosningavélar frá Venesúela. Gat það verið? Þetta vinstra pakk. Tókst hinu veika Venesúela að snúa á sjálf Bandaríkin og breyta niðurstöðum kosninga þar?

Meira frá þeim félögum Davíð og Trump: „Vitni full­yrða að stund­um hafi sami kjós­andi verið skrifaður fyr­ir og kvittað á fjölda at­kvæða sem svo var sturtað í kjör­kassa. Um­slög­un­um með nöfn­un­um var hent þegar í stað! Við utan­kjörstaðakosn­ingu hér væri auðvelt að sann­reyna hvort viðkom­andi hefði kosið, þó að ómögu­legt væri að sjá hvað hann kaus. End­urtaln­ing í kjör­dæm­um er að mestu gagns­laus af þess­um ástæðum.“

Og að lokum. Títuprjónsstunga að Biden:

„Joe Biden hafði sem slag­orð strax eft­ir kosn­ing­ar að „telja beri öll at­kvæði“. Það hljóm­ar ekki illa. En það er ekki víst að hann hafi meint að telja bæri öll lög­leg at­kvæði. Að telja hin er auðvitað ós­vinna. Það ligg­ur fyr­ir að póst­stimpl­ar voru falsaðir í stór­um stíl, spurn­ing­in er aðeins í hvað stór­um stíl. Hvaða ástæður geta fjöl­miðlar vestra haft fyr­ir því að vilja ekki að þessi mál verði könnuð? Kann­an­ir vestra sýna nú að all­mik­ill meiri­hluti kjós­enda (60%) telji að ekki sé óhætt að treysta úr­slit­un­um í nýliðnum kosn­ing­um. Stund­um leggja menn allt sitt traust á kann­an­ir. En kannski ekki núna.“


Auglýsing

Tengdar fréttir sem þú gætir haft áhuga á að lesa: