Jóhann Þorvarðarson:
Nei, nei hann heldur bara áfram að verðleggja íslensku krónuna vitlaust og vaxtaokra skuldara landsins. Hvoru tveggja keyrir íslenska verðbólgu upp. Diskóljósin í fílabeinsturni Svörtulofta blinda íbúa hans.
Seðlabankastjóri heldur áfram að skemmta landanum með sprenghlægilegum yfirlýsingum, sem gjarnan snúast um að mæra sjálfan sig eða kenna öðrum um verðbólguna á Íslandi. Gærdagurinn var engin undantekning þegar hann sagði tásumyndir landsmanna frá Tenerife merki um óhóflega einkaneyslu, sem valdi verðbólgu. Hélt hann því áfram að refsa skuldurum með níundu stýrivaxtahækkuninni í röð.
Það virðist ekki skipta seðlabankastjóra máli að erlend eyðsla eru útgjöld utan íslenska hagkerfisins og valda því ekki álagi á innlent verðlag. Miklu frekar valda þau verðspennu suður á Tenerife.
Tásumyndir erlendra aðila úr hinum ýmsu baðlónum landsins fanga ekki athygli seðlabankastjórans, en eyðsla þeirra nálgast himinskautin með tilheyrandi verðþrýstingi á Íslandi. Nei, nei hann heldur bara áfram að verðleggja íslensku krónuna vitlaust og vaxtaokra skuldara landsins. Hvoru tveggja keyrir íslenska verðbólgu upp. Diskóljósin í fílabeinsturni Svörtulofta blinda íbúa hans.